ఫ్రెంచ్ లో నవల రాసిన తెలుగు రచయత వెంకట్ పూలబాల, దూరదర్శన్ లో కెరీర్ అవకాశాల గురించి తెలియజేసే లక్ష్యం వంటి కార్యక్రమాలద్వారా మరియు సాహిత్య ప్రహేళిక వంటి సాహిత్య రచనావ్యాసంగం కార్యక్రమాలద్వారా , ఆల్ ఇండియా రేడియో హాస్య నాటికల ద్వారా సుపరిచితులు. ఒక్క ఫ్రెంచ్ లో నే కాక ఆరు విదేశీభాషలతో అత్యధికంగా పుస్తకాలు రచించిన ఎక్స్ ఫోనిక్ రైటర్ గా పేరుతెచ్చుకున్న పూలబాల సాహిత్య ప్రస్థానం రెండు ప్రపంచ రికార్డులు నెలకొల్పేదాకా సాగింది.
తెలుగు మధ్య తగరతి కుటుంబంలో పుట్టి తెలుగు మీడియం లో చదువుకున్న పూలబాల అవిరళ కృషితో 6 విదేశీభాషలలో తడుము కోకుండా మాట్లాడ్డమే కాకుండా వాటిని బోధిస్తూ అనువాదకు డిగా రాణిస్తూ అనేక గ్రామాన పాఠశాలలలో విద్యార్థులకు ఉచిత శిక్షణ తో స్ఫూర్తిని ఇస్తూ యువతకు ఆదర్శంగా నిలిచారు.
హాయ్ టెక్ సిటీ లో ఫ్రెంచ్ కంపెనీలో అనువాదకుడిగా చేస్తున్న పనివదిలి పెట్టి భాషా బోధనా పట్ల మక్కువ తో విజయవాడ నగరంలో EFL - ఈజీ ఫారిన్ లాంగ్వేజస్ (బెంజ్ సర్కిల్ దగ్గర) అనే సంస్థ ను స్థాపించి 14 సంవత్సరాలుగా ఫ్రెంచ్ , జర్మన్ ,స్పానిష్ , ఇటాలియన్, జపనీస్ మరియు ఇంగ్లిష్ - ఆరు విదేశీభాషలను బోధిస్తున్నారు.
పూలబాల ఇండో ఫ్రెంచ్ కల్చరల్ అకాడెమీ స్థాపించి కల్చరల్ అకాడెమీ ద్వారా చిన్నపిల్లలకు ఉచితంగా ఫ్రెంచ్ డ్రామా, పాటలు వంటి సాంస్కృతిక కార్య క్రమాల్లో శిక్షణ ఇస్తూ, శిక్షణ పొందిన (3 వతరగతి నుంచి 10 వ తరగతి వరకూ చదువుతున్న బాల బాలికలు పలు రేడియో కార్యక్రమాలు ఇప్పిస్తున్నారు జూన్ 25 వ తేదీన 2017 ఆకాశవాణి విజయవాడ కేంద్రం నుంచి ప్రసారమైన కార్యక్రమాన్ని యు ట్యూబ్ లో మల్టి లింగ్వల్ కిడ్స్ అని టైపు చేసి చూడవచ్చు. భీమవరం నుంచి మరో రెండు రేడియో కార్యక్రమాలలో కూడా ఈ విద్యార్థులు పాల్గొన్నారు.
ఆంధ్రప్రదేశ్ ప్రభుత్వ సంస్థ ఏ పి సి ఎన్ ఎఫ్ ( APCNF) ఆంధ్రప్రదేశ్ సెంటర్ ఫర్ నేచురల్ ఫార్మింగ్ చైర్మన్ సీనియర్ ఐ. ఏ. ఎస్. ఆఫీసర్ శ్రీ విజయకుమార్ గారిచే అధికార అనువాదకుడిగా నియమించబడ్డ తరువాత పూలబాల చేసిన కృషి ఈమధ్యనే వెలుగులోకి వస్తోంది.
No comments:
Post a Comment